KAILAWN

Hnahthial, 7th. July 2021 : Mizo Hmeichhe Insuikhawm Pawl (MHIP) Day 2021 chu Covid-19 hrileng avangin kum dang angin member-te inhuikhawm zawnga hman theih ni lo mahse Hnahthial khawpui chhunga Branch hrang hrangte chu Damdawi In lam hawiin an luangchhuak thung a ni. MHIP hian kum dangah chuan an din champha lawm nan intihhlimna leh infuih tharna te bakah tanpui ngaite tanpuina hun an hmang thin a, kuminah erawh Covid-19 hrileng avangin member pum huap inhuikhawm a, intihhlimna hawi zawngin a hman theih loh avangin Hnahthial khawpui chhunga Branch hrang hrangte chuan Damdawi In lam an hawi a, Damdawi In a awm mi harsate chhawmdawlna (Poor Fund) atan MHIP Sub-Hqrs, Electric Branch, Chanmari Branch, Venglai Branch te chuan Rs.2000 theuh (Rs.8000) an hlan a, Covid-19 hri kaite enkawlna CCC atan MHIP Sub-Hqrs., Peniel Branch, Kanaan Branch ten Rs. 2000 theuh (Rs.6000) an pek bakah HIV hri kaite enkawl nan ICTC ah Lungleng Branch chuan Rs.2000 an pe bawk a ni. Heng bakah hian Peniel Branch...

Hnahthial, 6th. July 2021 : Mizoram sorkarin Accredited Journalist atan Hnahthial District atanga mi 6 a thlante hnenah nimin khan District bawrhsap Pu H.Dolianbuaia chuan a Office Chamber-ah Press Accreditation Card awrh tirin mi rintlak leh belhchian dawl ni turin a chah   Hnahthial District chhungah mi 6 laiin Press Accreditation Card an dawng thei chu lawmawm a tih thu sawiin District Bawrhsap Pu H.Dolianbuaia chuan "Accreditation card dawn hi a namai lova, mi nazawng dawn chi a ni hek lo. A tha zawnga mipuite kaihruai turin sawrkar in a beiseina che u a keng tel a, mi rintlak in ni tih lantirna ani telin nungchang leh in thu chhuahah in fimkhur a tul a, rintlak leh belhchian dawl a ni ngei tur a ni" tiin Chanchinbu chhuah reng chu thil har tak nimahsela Hnahthial-ah ngawrh taka kalpui a ni reng chu lawmawm a tih thu a sawi a, "District hmasawnna tura sorkar hmalakna leh hnathawh hrang hrangte pawh Chanchinbu mite zarah mipui ten awlsam takin an hriat theih phah a n...

YMA Sub-Hqrs.Hnahthial Secretary Pu K.Lalsangzuala chuan tun dinhmunah Tuiphai Group YMA huamchhung tih lohah chuan Myanmar raltlan awm belh an hriat loh thu sawiin Central YMA atangin tanpuina Buhfai an pek dawn thu a sawi bawk a ni   Tuiphai Group YMA huamchhunga raltlan awm tharte tan hian vawiin hian Central YMA chuan YMA Sub-Hqrs. Hnahthial Account-ah Rs.25000 an thun ang a, hei hian Buhfai leiin YMA Sub-Hqrs Hnahthial chuan Tuiphai Group-ah an hlan chhawng leh dawn a ni. Tun dinhmunah Hnahthial District chhunga Raltlan awm zat kan hriat theih chu hetiang hi a ni 1. Tuiphai Group YMA - mi 619 2. Lungmawi - mi 3 3. Tuipui D - mi 27 4. Electric - mi 41 5. Muallianpui - mi 3

Containment Zone-a puan mek Maudarh leh a chheh vel a LRAR Construction Company inkhuarna chu Inrinni khan Nodal Officer Pu Micky Lalenkawla, DEO Hnahthial hovin Dr.Siamtei leh Dr.Nutei te chuan tlawhin an enfiah a, inkhuahkhirhna siamte tha taka zawm turin helai hmuna chengte an hriattir bakah harsatna an neih te pawh VLTF-ah rang taka hrilh hre thin turin an chah a, Leite VLTF leh Kutkawk a ABCI Company hotute pawh kawm nghal inkaihhruaina hrang hrang te hrilhhriat an ni. Maudarh a Company awmnaah hian Covic-19 hri kai mi 26 awm bakah Contact tracing avanga Home Quarantine mi 10 vel an awm mek bawk a ni

South Vanlaiphai Group YMA chuan an huamchhunga HSSLC  Exam 2021 a pass thar te chu nimin khan Venghlun YMA Hall-ah lawmpuina hun buatsaih sakin Thuziak an hlan. He huna lawmpuina hlan hi First Division-a pass chin mi 8-te an ni a, Pu Lalbuatsaiha, Vice President chuan kaihhruaiin Zirlaite chu ram leh hnam hmathlir an nih thu sawiin innghahna tlaka theihtawp chhuah zel turin a chah a ni. S.Vanlaiphai Group YMA hian hemi hma pawh hian HSLC pass tharte hnenah lawmpuina an lo hlan tawh bawk a ni

 Hnahthial, 5th. July 2021 : Vawk natna hlauhawm tak African Swine Fever (ASF) chuan Hnahthial District chhunga khaw hrang hrang luhchhuah mekin Pu R.Lalzarzova Peniel veng Vawk 57 zet chuan thih phahin a Vawk farm chu tih tawp hial a ni rih.  Pu R.Lalzarzova te chhungkua hian Hnahthial chhimlam kawt-chhuah Sericulture Farm piahah nikum 2020 August atang khan Vawk Farm siamin bul an tan chho a, awm chilh tumin an mahni chhungkaw chenna In tur an sak mek laiin tunhnai Ni 21.June. 2021 khan an Vawk pakhat chu a chhan leh vang hriat lohin a thi a, hemi hnu lawk Ni 23.June 2021 ah an Vawk dang chu a thih leh avangin ASF hri kai ngei a nih rin a ni a, AH&vety Hnah-thial-a thawktute pawh hriattirin enfiah a ni a, sample te pawh lak a ni. An Vawk dangte pawh hri hian man chho in a thih tak nual avangin hri a darh zel loh nan Vawk dang 44 zet chu tihhlum a ni a, hri avanga ama thi hi 13 ni bawkin Vawk 57 zet an chan a ni. ASF hrileng avanga Pu Zara te Vawk thi leh tihhlum hi Vawk...

Hnahthial, 2nd July 2021 : Covid-19 hrileng laka mipuite himna tura inkhuahkhirh kalpui mekah Hnahthial District Task Force leh VLTF te chu an Chairman leh District Bawrhsap ni bawk Pu H.Dolianbuaia kaihhruaiin a Office Conference Hall-ah vawiin khan an thukhawm a, Sorkar hnathawkte chu Covid-19 duty atana an ruat Ni tih lohah chuan Pisa kai vek nise an ti Meeting kaihruaitu District Bawrhsap chuan hri dona kawngah theihtawp chhuaha hmalak reng a tul thu sawiin "Kan district ah hian hmasawnna hnathawh hrang hrang a kal chho mek a, heng hnathawktute pawh hian inkaihhruaina an zawm tur a ni a, Covid -19 laka mipuite himna tura inkaihhruaina siamah hian tumah kan hrethiam thei lo" tiin khauh takin inkaihhruaina te chu kenkawh chhunzawm zel a nih tur thu a sawi bawk a ni Meeting-ah hian DLTF Member Secretary Dr.Lalrengpuii Ralte, Medical Nodal Officer Dr.R.Lalsanglura leh Dr.Zosangliani te report atanga a lan danin Hnahthial District-ah hian Covid-19 hri kai leh kai loh endik mi...

Hnahthial 1st July 2021 : Hnahthial District chhung Tuichang ral khaw hrang hrangah Myanmar rambuaina avanga raltlan mi 619 awm mekin khawtlang mipui ten an theih ang angin tanpuina  pe mahsela inpek sen reng a nih bik loh avangin raltlan thenkhat chu a tul tul thawkin an inhlawh ve hlawm bawk a ni. Tuiphai Group YMA Secretary Tv.Lalhredika hnen atanga KAILAWN thu dawn danin an huamchhunga raltlan lutte hi kumin 2021 February atang rawn lut ni hlawmin chhungkhat hnai bel an awm laiin belh tur neilo an awm nual thung a, Bualpui H, Thingsai leh New Ngharchhip khawtlang tangrual chuan an khuaa raltlante awmna tur hi an sak sak tih sawiin Central YMA atanga Tuiphai Group YMA-in raltlan tanpuina an hmuh Rs.60500 pawh hun remchang hmasa semchhuak turin ruahmanna an kalpui mek tih a sawi bawk a ni.  Hetiang hi tun dinhmunah Tuiphai Group YMA huamchhunga raltlan awmzat chu a ni :- 1. Cherhlun                      ...