MHIP Day lawm nan Hnahthial-a Branch hrang hrang ten Damdawi In lam an hawi
Hnahthial, 7th. July 2021 : Mizo Hmeichhe Insuikhawm Pawl (MHIP) Day 2021 chu Covid-19 hrileng avangin kum dang angin member-te inhuikhawm zawnga hman theih ni lo mahse Hnahthial khawpui chhunga Branch hrang hrangte chu Damdawi In lam hawiin an luangchhuak thung a ni.
MHIP hian kum dangah chuan an din champha lawm nan intihhlimna leh infuih tharna te bakah tanpui ngaite tanpuina hun an hmang thin a, kuminah erawh Covid-19 hrileng avangin member pum huap inhuikhawm a, intihhlimna hawi zawngin a hman theih loh avangin Hnahthial khawpui chhunga Branch hrang hrangte chuan Damdawi In lam an hawi a, Damdawi In a awm mi harsate chhawmdawlna (Poor Fund) atan MHIP Sub-Hqrs, Electric Branch, Chanmari Branch, Venglai Branch te chuan Rs.2000 theuh (Rs.8000) an hlan a, Covid-19 hri kaite enkawlna CCC atan MHIP Sub-Hqrs., Peniel Branch, Kanaan Branch ten Rs. 2000 theuh (Rs.6000) an pek bakah HIV hri kaite enkawl nan ICTC ah Lungleng Branch chuan Rs.2000 an pe bawk a ni.
Heng bakah hian Peniel Branch chuan an veng VLTF hnenah MHIP day pual hian Rs. 1000 an hlan a, Electric Branch huan an veng chhunga Covid-19 hri kai enkawl mek chhungkaw 4 hnenah Rs.1000 theuh (Rs.4000) an pe bawk. Electric Branch hian MHIP Day hmanna tura kumtir atanga Ar an vulh chu talhin an an Branch In sakna tur atan sumah an chantir a. Chanmari Branch MHIP pawhin an Branch Nauawmna In leh a bul vel an thianfai bawk a ni
MHIP Sub-Hqrs.Hnahthial huamchhungah hian Block 2 leh Branch 40 an awm mek a ni.
Hnahthial District-a Raltlante tanpui nan Cheng Nuai 1 chuang semchhuak
Myanmar ram buaina avanga Hnahthial District chh-unga Raltlan mi 710 te tanpui nan nimin khan
YMA Sub-Hqrs Hnahthial chuan an hnuaia YMA Group leh Branch te hnenah Rs.135150 an semchhuak
Hnahthial District chhunga Myanmar raltlante tanpuina tur sum hi C.YMA chuan YMA Sub-Hqrs Hnahthial Account-ah thunin an ni hian an huamchhunga Group leh Branch hrang hranga raltlan awm tam dan a zir leh C.YMA ruahmanna zul zuiin nimin khan an sem chhuak a ni.
2. Electric Branch - Rs.6000
Raltlan awmzat :-
1. Tuiphai Group - 619
2. Electric Branch - 41
3. Tuipui D Branch - 27
4. Kanan Branch - 8
5. Muallianpui Branch - 3
6. Lungmawi Branch - 3
7. Model Branch - 9
Electric veng Hnahthial-in Covid-19 hrileng avanga har-satna an tawh te hriat-thiam puiin nimin khan New Kawnpui khaw-tlang, MHIP Leite Branch leh MHIP Tarpho Branch te chu Thlai chi hrang hrang chi 7 vel Pik-Up trip khat theuh (trip 3) an pe a, Rs.50000/- man hu vel niin chhut a ni.
Electric VLTF Chairman leh VCP ni bawk Pu Pc.Vanlalliana chuan an vengin Covid-19 avanga harsatna an tawhah khaw thenawm ten chawhmeh tur thlai chi hrang hrang thahnem tak an pe thin chu lawmawm an tih thu leh an thla-muan thlak a tih thu a sawi a ni.
Tarlan tawh angin Electric veng Hnahthial pumpui hi Ni 25.06.2021 atangin Contaiment Zone-ah puan niin Ni 2.07.2021 atang khan veng chhung hmun tam zawk chu hlih niin hmun thenkhat erawhchu Micro Containment zone-ah puan a ni a, tun thlengin hman ala ni
Veng chhung tan inhlawhna siam sak
Covid-19 hrileng laka mipuite himna tura hun engemawchen inkhar-khip kalpui mek chuan chhungkaw tam tak tan harsatna a thlen laii Hnahthial South-II VC te chuan nimin khan a tum hnihna atan an veng chhunga harsa zualte inhlawhna tur siam sakin mi 72 an thawk chhuak a, veng chhung hmun hrang hrang an ti fai a ni.
Hetiang hun harsa kara veng chhung mipuite dinhmun ngaihtuaha inhlawhna siam saktu Hnahthial South-II VC te chungah hian he huna inhlawh tam takte chuan an lawm thu KAILAWN an hrilh a ni
Comments
Post a Comment