KAILAWN

Hnahthial, 30th June 2021 : Vawk natna hlauhawm tak ASF chuan Hnahthial District a luhchhuah mek niin a hriat a, nizan khan Pangzawl-ah Vawk pahnih chu damlohna avangin an thi a, Vawk damlo dang pathum kahhlum an ni bawk. Heng Vawk thi te hi postmortem an nih hnuah uluk taka phum an ni. Rotlang East-ah pawh vawiin khan vawk 1 thi in 1 dang vuak hlum a ni bawk. Heng Vawkte hi Pu LP Lalrualfela Vawk ve ve a ni. Chhipphir ah pawh vawiin vek khan Vawkte pakhat a thi bawk. Heti hian tun dinhmuna kan hriat theih chinah Hnahthial District chhungah hian hrileng avanga Vawk thi hi Vawk 102 vel an ni tawh a ni  

Hnahthial, 30th June.2021 : Pangzawl North leh South VLTF te ruahmanna in Pangzawl khawtlang mipui ten Thlai chi hrang hrang an lakkhawm Pik-Up Trip 7 zet chu vawiin khan Containment Zone ni mek Electric veng Hnahthial hnenah an hlan  Hnahthial District chhunga Containment zone awmchhun ni mek Electric veng Hnahthial te dinhmun hi Pangzawl Joint VLTF te chuan hriaiin nimin khan an khawtlang huapin ram lamah Chawhmeh lakkhawm fehchhuah an nei a, Thlai chi hrang hrang 25, Pik-Up trip 7 zet chu vawiin khan Hnahthial-ah phur pheiin Electric VLTF te hnenah hian an hlan a, heng Chawhmeh te hi Bazar-a hralhnaah chuan Rs. Nuai 1 chuang hu niin chhut a ni. Hetih rual hian Pangzawl mi thahnem ngai ten an thawhkhawm Pawisa fai Rs.2410/- an hlan nghal bawk a ni. Tukin vek khan Pu Lalchamliana Sailo, Bazar veng, Hnahthial te chhungkua pawhin Thlai chi hrang hrang an lakkhawm Pik Up trip 1 chu Electric veng mipuite tan hian an hlan bawk a ni. Hnahthial North-I VLTF (Electric veng) te chuan an v...

Hnahthial, 30th June 2021 : Covid-19 hrileng dona kawnga sulhnu chhuina kalzelah nimin leh tukin inkar khan Hnahthial District chhungah hri kai leh leh kai loh endik mi 92 awmin heng zinga mipa pakhat kum 34 mi, Electric veng Hnahthial chu a positive tih hmuhchhuah niin Covid Care Centre-ah dahluh nghal a ni.  Hetih rual hian vawiin khan Hnahthial District chhungah hian Covid-19 hri kai enkawl dam mi 2 te chuan CCC an chhuah san a ni. Tun dinhmunah Hnahthial District ah hian Covid-19 hri kai leh kai loh endik mi 3967 awm tawhin heng zinga mi 64 te chuan hri an kai tih hmuhchhuah a ni a, mi 34 te chu enkawl dam tawh niin mi dang 30 te chu CCC-ah enkawl mek an la ni. Covid-19 hri kai CCC-a awm mekte bakah hian Govt Quarantine facility Hnahthial-ah mi 4 an awm mek a, Home Quarantine-in Pangzawl-ah mi 24 leh Hnahthiak-ah mi 11 an awm mek bawk a ni

  K.Lalzarzova President MZP Hnahthial     REMNA NI CHIBAI   MZP Hnahthial in hun pawimawh-a a chhiar, Mizo fate tana hun pawimawh tak, STATE HOLIDAY hiala puan REMNA NI kan thleng ta reng mai. Kan hrileng avangin programme hranpa siam lovin kan hman alo ngai leh ta si a, Zofate hun ropui hetia  han hman liam a ngai ta hi pawi kan ti hle a ni. Chutih rual chuan vawiin ni zahawm takah hian REMNA CHIBAI MZP Hnahthial  chuan a buk mawlh mawlh che u a ni. REMNA leh MUANNA a awm theihna tura Zofate tawrhna zawng zawng kha theihnghilh rual lohin kan thinlungin a vawng reng tawh si a.Chu tawrhna ata zalen kan nih hnu hian min chawi tleitu Zoram hi Eng dinhmunah nge kan din tir zel dawn le?? Kil tin atanga min chimral tumtu te laka kan Him zel theih nan te, ruihhlo in min chimral mai loh nan te, eiruk leh hlemhletna hmanga kan ral mai loh nan thiamna leh finna hmangin rinawmna ke i pen teh ang u. Chu chu a Mizo em em a, a MZP em em bawk a, ram leh hnam Hmangaihna z...

Hnahthial, 29.June.2021 : Myanram ram buaina avangin Thingsai khuaah Raltlan mi 200 chuang awm mekin midang thahnem tak lut leh mai tura hriat an nih avangin vawiin atang khan Thingsai Village Council chuan hnatlang ko in raltlante awmna tur  an sa tan KAILAWN zawhna chhangin Pu PC.Lalremkunga, VCP Thingsai chuan "Thingsai-ah hian myanmar raltlan mi 212 awm mekin In luah tur awm ang ang te an luah bakah chhungte bel an ni hlawm a, midang thahnem tak rawn luh leh an tum niin kan hria a, In luah tur a awm tawh si loh avangin Thingsai VC te kaihhruaina hnuaiah NGO hrang hrang leh Prominent Citizen te thukhawm chuan raltlan rawn lut leh turte chenna tur hi ruahman sak mai ila tiin nimin khan khawtlang huapin a hmun hma tih fai hntlang neih a ni a, vawiin hian Pem veng ten sak hnathawh bul tanin naktukah veng dang an thawk leh ang a, chutiangin zawh hma chu Thingsai a veng hrang hrang 5 te hi hnatlangin kan inthawh chhawk dawn a ni" a ti. Thingsai khua a raltlante awmna tura ruah...

Hnahthial, 29 June 2021 : Tuipui D-ah vawiin khan African Swine Fever (ASF) hri kai ni ngeia hriat Vawk 5 a thi a, chungte chu Pu Pc.Vanlalruata Vawkpui 1 leh a no 1, Pu C.Thangzuala Vawk 2 inches 27 ve ve leh Pu KL.Lalropuia Vawk inches 35 te an ni. Nimin pawh khan Electric veng Hnahthial-ah Vawk rai lai pakhat leh Tuipui D ah hian pathum an thi bawk a ni. Heti hian Hnahthial District chhungah Vawk natna hlauhawm tak African Swine Fever (ASF) hri kai ni ngeia hriat Vawk 92 an thi tawh a ni. Hetiang a nih avang hian Hnahthial District chhunga ASF hrileng tuar na zual nia hriat Tuipui D, Rotlang E leh Chhipphir khuaah te chuan Vawk talh khap rih a nih thu Dr.C.Sanghluna, VO Hnahthial chuan KAILAWN zawhna chhangin a sawi a ni.  

Hnahthial 29.June 2021 : Hnahthial District chhungah Containment Zone-a puan hmasak ber leh la hlih loh Electric veng Hnahthial-a chuan nitin eitur lakkhawm chungchangah harsatna an tawk tan tih hriaiin Thiltlang khua chuan nizan khan Thlai chi hrang hrang Pick-UP trip 3 an pe Covid-19 hrileng dona kawngah Hnahthial District tana thawhhlawk tak Electric veng Hnahthial-ah hian vanduaithlak takin Covid-19 hri kai hmuh chhuah awm nualin kar kalta Zirtawpni (25.6.2021) khan Containment Zone-ah puan a ni a, chhungkaw thenkhat chu ei leh barah an buai tan tih hriain khaw thenawm Thiltlang khawtlang chuan nimin khan ram lam fehchhuah neih sakin Thlai chi hrang hrang 20, Pick-Up trip 3 lakhawmin nizan khan Electric veng VLTF te kutah an hlan a, heng an thlai pek zawng zawng hi Rs.70,000/- hu vel zet niin chhut a ni. Electric veng (Hnahthial North-I) VLTF chuan chawhmeh hrang hrang an dawn te hi an veng chhung chhungkaw 500 chuangah rualtlang takin nizan khan an sem chhuak nghal a, Thiltlang k...

Hnahthial 28 June 2019 : Chief Minister Pu Zoramthanga hriatpuina leh remtihna in nimin (27.06.2021) khan Er.K.Lalsawmvela, Adviser to Chief Minister (Technical) kaihhruaiin Hnahthial DC; Executive Director, NHIDCL, Mizoram Region; Director, Geology & Mining Mizoram te bakah President, YMA Sub-Hqrs.Hnahthial; President, Hnahthial Town VC Association; NH-54 Joint Action Committee Hnahthial aiawh mi 2 (President leh Secretary koh an ni a, harsatna engemaw an neih avangin aiawh 2 hi an kal thung a ni) leh Hnahthial Bypass road-a Contractor aiawh mi 1 te chu Aijal Club Meeting room-ah thukhawmin Hnahthial Bypass road chungchang an ngaihtuah a, Hnahthial mi chenna In piah lam atanga a him china kawng sial tan chu rem tih tlan niin tluang taka thawh a nih theih nan Hnahthial JAC te pawhin lo tawiawm an remti a, State sorkar leh NHIDCL te chuan mipuite hlauhthawn zawng te chu an ngaihven zel tur thu an sawi bawk a ni. Hetiang hi Meeting Minute chu a ni  :-👇

Hnahthial, 28 June 2021 : Hnahthial District chu hun engemawchen Covid-19 laka an fihlim hnuin kar hmasa khan khawtual mi 20 chuang hri kai hmuhchhuah thar an nih avangin bialtu MLA leh Health Minister ni bawk Dr.R.Lalthangliana chuan vawiin khan Covid-19 hri dona atana hmanrua pawimawh tak tak te District Hospital Hnahthial-ah pein a bial mipuite chu thlaphang lo turin a chah nghal a ni. Hmanruate hi Dr.Thangtea hian a aiawh tirin District Hospital Hnahthial-ah hian phurh thlen a ni a, Covid-19 hrileng lakah Hnahthial District a him ta bik lo chu Health Minister Dr.R.Lalthangliana chuan pawi a tih thu a sawi rualin tumah indem lo turin bial mipuite a chah a, "Covid-19 hian tumah a thliar loh avangin kan duh leh tum vang reng ni lovin hri kai thei theuh kan ni a, indem hman kan ni lovin theihtawp chhuah tlangin lungrual taka hri do beihpui hi kan thlak reng a ngai zawk a ni. Chuvangin Sorkar-in tih tur leh tih loh tur a tihte hi thuawih takin i zawm tlang zel ang u" tiin Dr....

Hnahthial : 28.June. 2021 : MBSE hnuaia Higher Secondary School Leaving Certificate (HSSLC) Examination 2021 result tih chhuah takah South Tuipui bialtu MLA leh Minister ni bawk Dr.R.Lalthangliana'n a bial chhunga pass tharte lawmpuina a buatsaih chu vawiin khan Block-I (Hnahthial) hruaitute chuan an huamchhung a mite hnenah hlanna hun hmangin Pu K.Lalsangluaia, Principal, Govt Hnahthial College chuan hmanpuiin zirlaite fuihna thu a sawi a ni. He hun hi South Tuipui Block-I MNF President Pu J.Lalchhuana In Bazar veng-ah hman niin Pu B.Lalromawia, Vice President chuan a kaihruai a, Khuallian Pu K.Lalsangluaia chuan Zirlai pass tharte fuihna thu sawiin "Uniform ha lovin college inkal chho dawn a, School anga inkhuahkhirhna a nat loh avangin nun a zalenin mi tam tak tak an tlu fo a, rilru neih a ngaiin tumruh leh ruh lo an inthliar zel a ni" tiin tumruhna leh taimakna chuan engpawh a sithlu thei a, harsatna hian a hneh tak tak theilo tih sawiin zirlaite chu quality ngai paw...

 Hnahthial, 27 June 2021 : Rotlang East khuaah vawiin  khan Vawk puitling 3 chu African Swine Fever (ASF) hrileng vang ni ngeia hriatin a thi a. Vawk puitling dang 4 leh a note 15 pawh hri avanga thi tho tura ngaih niin hri darh zel tur ven nana vuakhlum a ni.   Hemi hma hian Rotlang East-ah hian ASF vang ni ngeia hriatin Vawk puitling pakhat a thi tawh bawk a ni. Vawiina Vawk thi te hi AH&Vety Hnahthial-a Veterinary Officer Dr.C.Sanghluna chuan a hmunah kalchilhin a enfiah a, sample te la in ASF vanga thi ni ngeia a hriat thu sawiin "a dulthuar, kap leh hrawk vel ah duk kan hmu a. Hei hi ASF pawn lama lanchhuahna pakhat a ni" a ti. May 2021 hnulamah hian Hnahthial District chhungah ASF vanga thi ni ngeia hriat hi Vawk puitling leh Note 83 awm tawhin heng zingah hian Chhipphir-a Vawk thi 4 te chu ASF tih nemngheh a nih thu Dr.C.Sanghluna chuan a sawi a, Vawk dang thi te pawh hi nemngheh  la nilo mahse ASF ni ngeiin a lan thu a sawi a ni. Tun dinhmunah Hnahthial ...

 Hnahthial, 27 June 2021 : Hnahthial District chhungah Covid-19 hrileng a darh zel loh nan South Tuipui bialtu MLA leh Health Minister ni bawk Dr.R.Lalthangliana chuan naktuk (28.06.2021) hian Covid-19 hrileng laka invenna hmanrua chi hrang hrang te chu Hnahthial-ah a thawn phei dawn a, South Tuipui bial mipuite chu thlaphang lo turin a chah Health  Minister Dr.Thangtea'n Covid-19 laka invenna tur hmanrua  a thawn tur hi PPE leh thil hrang hrang thahnem tak niin District Hospital Hnahthial-ah naktuk chawhma hian thlenpui beisei a nih thu Dr.Thangtea chuan sawiin "Covid-19 hrileng avang hian bial mipuite thlapangin lungngai lo ula, tul leh mamawh te chu a theih ang angin ka rawn ngaihtuah zel ang" tiin Hnahthial District mipuite chu fimkhurna vawng nung renga sorkar-in ruahmanna a siamte thuawih taka zawm zel turin a chah nghal a ni. Hetih rual hian Dr.Thangtea'n South Tuipui bial chhunga HSSLC pass tharte lawmpuina a rawn thawn pawh naktuk vek hian School hrang hran...

26.06.2021 : Hnahthial District-ah hun engemawchen Covid-19 hri kai an awm loh hnuin niminpiah lawk khan Electric veng Hnahthial-ah chhungkaw pakhata member 4-te chu an positive tih hmuhchhuah niin hri an kaina chin hriat a ni lova, sulhnu chhuina kal zelah vawiin thleng khan Electric veng Hnahthial-ah hian Covid-19 hri kai mi 21 hmuchhuah tawh niin Pi Saizikpuii, Addl.District Magistrate chuan nimin khan Electric veng hi Containment Zone-ah a puang a ni.  Hnahthial khawpui himna tura Hnahthial hmar lam kawt chhuah a  Thlakhat chuang duty tlaivar kalpuitu Electric veng VLTF chuan an vengin hetiang vanduaina an tawh avang hian kawtchhuaha duty tlaivar chu ti tawp lailawkin an veng chhung hmun hrang hrang 7-ah duty an kalpui nghal a, nitin eitur mamawh neite chu an In ah an pe thin a ni. Hetiang a nih avang hian Hnahthial khawpui a veng hrang hrang te pawh a rehin vawiin (Inrinni) hi Dawr inhawnni nimahsela pawnchhuak leh dawr inhawng a awm mang lo a ni.  Tun dinmunah Hnah...