Thingsai khua in Myanmar raltlante awmna tur sak hna an thawk tan

Hnahthial, 29.June.2021 : Myanram ram buaina avangin Thingsai khuaah Raltlan mi 200 chuang awm mekin midang thahnem tak lut leh mai tura hriat an nih avangin vawiin atang khan Thingsai Village Council chuan hnatlang ko in raltlante awmna tur  an sa tan

KAILAWN zawhna chhangin Pu PC.Lalremkunga, VCP Thingsai chuan "Thingsai-ah hian myanmar raltlan mi 212 awm mekin In luah tur awm ang ang te an luah bakah chhungte bel an ni hlawm a, midang thahnem tak rawn luh leh an tum niin kan hria a, In luah tur a awm tawh si loh avangin Thingsai VC te kaihhruaina hnuaiah NGO hrang hrang leh Prominent Citizen te thukhawm chuan raltlan rawn lut leh turte chenna tur hi ruahman sak mai ila tiin nimin khan khawtlang huapin a hmun hma tih fai hntlang neih a ni a, vawiin hian Pem veng ten sak hnathawh bul tanin naktukah veng dang an thawk leh ang a, chutiangin zawh hma chu Thingsai a veng hrang hrang 5 te hi hnatlangin kan inthawh chhawk dawn a ni" a ti.

Thingsai khua a raltlante awmna tura ruahman hi Tawkcheu Mual niin In 10 sak tum a ni a, In pakhat len zawng hi avang feet 12 leh a dung (nampuk) te nen feet 20 vel zel niin In pakhatah hian chhungkaw pakhat zel awm tura ruahman a ni bawk. vawiin khan In 8 rel hman niin chhunzawm zel a ni dawn a, In sakna hmanruate hi Joint Committee ruahman angin Thingsai khuaa In tin te chu Thing leh Mau te thawh turin an intuk a, chumi hmang chuan Raltlan awmna tur sak hna hi an thawk a ni.