Electric veng Hnahthial mipuite tan Thlai chi hrang hrang pe

Hnahthial, 30th June.2021 : Pangzawl North leh South VLTF te ruahmanna in Pangzawl khawtlang mipui ten Thlai chi hrang hrang an lakkhawm Pik-Up Trip 7 zet chu vawiin khan Containment Zone ni mek Electric veng Hnahthial hnenah an hlan 

Hnahthial District chhunga Containment zone awmchhun ni mek Electric veng Hnahthial te dinhmun hi Pangzawl Joint VLTF te chuan hriaiin nimin khan an khawtlang huapin ram lamah Chawhmeh lakkhawm fehchhuah an nei a, Thlai chi hrang hrang 25, Pik-Up trip 7 zet chu vawiin khan Hnahthial-ah phur pheiin Electric VLTF te hnenah hian an hlan a, heng Chawhmeh te hi Bazar-a hralhnaah chuan Rs. Nuai 1 chuang hu niin chhut a ni. Hetih rual hian Pangzawl mi thahnem ngai ten an thawhkhawm Pawisa fai Rs.2410/- an hlan nghal bawk a ni.

Tukin vek khan Pu Lalchamliana Sailo, Bazar veng, Hnahthial te chhungkua pawhin Thlai chi hrang hrang an lakkhawm Pik Up trip 1 chu Electric veng mipuite tan hian an hlan bawk a ni.

Hnahthial North-I VLTF (Electric veng) te chuan an veng chhungin Covid-19 hrileng avanga harsatna an tawh mekah tanpuina petu Pangzawl khuate chungah leh Pu Lalchamliana Sailo te chhungkaw chungah lawmthu an sawi a ni.