HNAHTHIAL DISTRICT TI HMASAWN ZEL TURIN PU ZORAMTHANGA KAIHHRUAI SORKAR RING TAWK

    
Hnahthial, 11th January 2022 : South Tuipui Block-I MNF hruaitute chu nimin khan an President Pu J.Lalchhuana kaihhruaiin Venglai YMA Hall, Hnahthial-ah an thukhawm a, Chief Minister Pu Zoramthanga kaihhruai MNF sorkar-in Covid-19 hrileng karah pawh chak taka Hnahthial District tih hmasawnna a kalpui chu lawmawm an tih thu leh bialtu MLA Dr.R.Lalthangliana hmalakna hrang hrangte chu chhuanawm an tih thu an tarlang a ni

  Meeting kaihruaitu leh Block President ni bawk Pu J.Lalchhuana chuan ram leh khawtlang hmasawnna tura hmalakna hrang hrangah Pathian hrereng chunga midangte thawhpui thiam turin kal khawmte a fuih a, "kan sorkar-in District thar pathum te min ngaihtuahin Covid-19 hrileng avanga sum harsatna karah pawh a theih ang angin tih changtlun a ni zel a, mipuite pawhin he hmasawnna hi kan hmuh thiam a, sorkar kan thawhpui thiam zel a tul a ni" tiin South Tuipui bialtu Dr.R.Lalthangliana'n Mizoram leh a bial tih hmasawn zelna tura a thawhrimna chu chhuanawm a tih thu Block President hian a sawi bawk a, hetiang hian kalkhawm ten Resolution an siam a ni :-

1.    Hnahthial leh a chhehvel mipui ten thisen chhuak hiala kan beih Hnahthial District chu Congress Sorkar kalta khan min hnuchhawn mahse 'Pathian leh Kan Ram tan' ti tu Pu Zoramthanga kaihhruai sorkar-in min tih hlawhtlin sak leh chak taka min tih changtlun chhunzawm sak hi lawmawm kan ti a. Hnahthial District ti hmasawn zel tur hian Pu Zoramthanga kaihhruai MNF Sorkar hi kan ring tawk a ni

2.    Khawvel ram hausa leh changkang tak takte pawhin an mangan pui Covid-19 hrileng lakah kan damtlanna tur leh kawng hrang hranga Zofate inpumkhatna tura Chief Minister Pu Zoramthanga kaihhruai Sorkar hmalakna hi tha kan ti in ropui kan ti a, kan thlawp tlat a ni.

3.    Hnahthial District-in hmasawnna hmel thar nasa tak kan hmuh mekte hi South Tuipui bialtu MLA leh Minister ni bawk Dr.R.Lalthangliana thawhrimna leh nachang hriatna rah duhawm tak a ni tih kan hriain a chungah lawmthu kan sawi a, kan chhuang takzet a ni

4.    South Tupui bial mipui ten damloh harsatna kan tawh nikhuaah bial Nu leh Pa nih tling zo tak leh rang taka che chhuak thin bialtu MLA Dr.R.Lalthangliana kan nei hi vannei kan inti in bialtu MLA nei fuh kan inti a, a hnung kan zui zel dawn a ni