RAM TANA NUNNA HLAN POLICE-TE ZAHNA LEH SUNNA HUN HNAHTHIAL-AH HMAN A NI
Ramchhung hmun dang ang bawkin nimin zingkar khan Hnahthial District Police te chuan Superintendent of Police Pu Lalbikkila hovin Hnahthial Police Station tualzawlah duty laia Police boral te hriatrengna leh sunna hun urhsun takin hman a ni.He hunah hian Hnahthial SP Pu Lalbiakkila chuan mahni ram venghim tura hnathawk (duty) mek India Police-te chu Hot Springs (Ladakh) ah October 21, 1959 khan China Sipai ten lambunin India police mi 10 laiin nunna an chan thu leh he thil thleng avang hian India sorkar chuan October Ni 21 chu Police, ram tana nun pete hriatrengna “Commemoration Day” ah puangin ram pum puiah kum tin hman thin a nih thu a tarlang a, India ram State hrang hrangah Ni 1.9.2020 atanga ni 31.8.2021chhunga Police thite hi an vain mi 377 an nih thu leh he hun chhung hian vanneihthlak takin Mizoram Police zingah duty laia hmelma kuta thi an awm lo tih a tarlang bawk a ni
Hnahthial Police Station tuala ram tana Nunna hlan Police boral te zahna leh sunna hun hmanah hian 2nd Bn.MAP chuan Shok Parade an nei bawk a ni.
HNAHTHIAL DISTRICT-AH RALTLAN PUNG ZEL; DEO Pu MICKY-A'N RALTLANTE INCHUNG TUR RANGVA A TUM SAK
HNAHTHIAL-A AGRICULTURE BULTHUT ZIRCHHUAKTE THLAHNA HUN MINISTER HOVIN HMAN A NI
School of Agricultural Science (SAS) Hnahthial tualzawl-ah nimin khan Basic Agriculture Training chhuak Batch 32-na te thlahna hun Passing Out Ceremony hman niin Agriculture Minister Pu C. Lalrinsanga'n khuallian niin a hmanpui a, "Ram thenkhatah chuan an mithiam ten hnathawh kawr an ha ngam a, keini ramah pawh Minister-in hnathawh kawr a hak ngam a ngai a ni" a ti
He hun hi Pu Rohmingthanga Colney Director of Agriculture Dept chuan a kaihruai a, Trainees thlah tak te hi 28 niin BAT ah chuan Batch hnuhnung ber tur an ni a, tranining-na hmun hi tunhnai khan Diploma zirnaah hlan kai chhoh a ni tawh a ni.
BAT pass chhuak tharte thlahna hunah hian Khuallian Pu C.Lalrinsanga chuan "BAT ringawt hi kan duhkhawp lo, theihtawpin hma kan la a, Diploma zirna kan han nei ta hi a lawmawm hle a ni" hemi atana a bultumtu zingah a tel ve chu lawmawm a tih thu a sawi a ni. Ram ṭhenkhat ten Agriculture aṭangin bul an ṭan thu leh chuta ṭang chuan per capita income sang zawk neiin sumdawnna leh thildangah khawvel chung en an ni chho thei tih sawiin Mizoramah pawh ṭhahnemngai taka thawh chuan hlawhtlinna a awm thu a sawi a, "Aizawl khawpui ringawtah pawh demand a san dan ngaihtuah hian tih tak taka kan tih chuan a ṭha em em dawn a ni" a ti.
Sik leh sa a danglam chho zelah thiamna pawh tih changtlun chhoh zel a ngaih thu Agriculture Minister chuan sawiin "kan lei ṭhatna pawh a lo tlahniam zel a, chumi azir chuan ruahmanna kan siam chho mek a ni" tiin KVK la nei lo District pathum tan sawrkar laipuiah an dil mek thu leh a hlawhtlin ngei pawh a beisei thu a sawi bawk
He hunah hian Maj. Remruatzauva, CO Hnahthial Corps chuan hunserh hmangin Pu J. Rothanga Principal SAS chuan Technical Report pein result puanna leh certificate hlanna hun Dr. Evangeline Pari Instructor chuan kaihruaiin trainee kal chhuak tur aiawh leh sawm bikte aṭangin thusawi ngaihthlakna neih a ni bawk a. Pu VL. Hmangaihchhunga Vice Principal SAS chuan lawmthu sawina hun a hmang bawk a ni.
BAT chhuak tharte hi Distinction-ah 1, Fisrt Division ah 14, Second Division-ah 12 leh simple pass mi 2 an ni.
HNAHTHIAL DISTRICT RALTLAN COMMITTEE DIN A NI
Hnahthial District bawrhsap Pu R.Lalremsanga kaihhruaiin nimin khan a Office Chamber-ah Hnahthial District VC Association, YMA leh MHIP Sub-Hqrs aiawh te an thukhawm a, Hnahthial District Raltlan Committee dinin hengte hi hruaitu atan ruat an ni :-
Chairman : B.Lalhmingliana, YMA Sub-Hqrs
Vice Chairman : F.Laldinthara, HDVCA
Secretary : K.Lalsangzuala,YMA Sub-Hqrs
Asst. Secretary : Fc.Lalrinliana,HDVCA
Treasurer : K.Lalramchuani, MHIP Sub-Hqrs
Heng bakah hian veng hrang hrangleh MJA atangin Committee member tur an ruat bawk a, pawl hmalak bultanna atan District bawrhsap Pu R.Lalremsanga chuan Rs.10000/- (Cheng sing khat) a pe bawk a ni.
HNAHTHIAL DISTRICT CHHUNGA RALTLAN TANPUI NAN CHENG NUAI 3 PE
MHIP Sub Hqrs Lunglei chuan Myanmar buaina avanga Hnahthial District chhunga raltlante tanpuina turin YMA Sub-Hqrs. Hnahthial-ah Rs. 3,00,000/- (Cheng Nuai thum) an hlan a, khaw hrang hranga pek dan tur hetiang hian siam fel sa a ni bawk :-
1. Thingsai - Rs 50000
2. Cherhlun - Rs 35000
3. Ngharchhip - Rs 35000
4. New Ngharchhip - Rs 50000
5. Bualpui 'H' - Rs 35000
6. Tarpho - Rs 25000
7. Khawhri - Rs 25000
8. South Chawngtui - Rs 10000
9. Hnahthial Town - Rs35000
Heng tanpuina hi hun remchang hmasaberah YMA Sub-Hqrs. Hnahthial chuan semchhuah an tum a ni
HNAHTHIAL DISTRICT-AH COVID-19 HRI KAI 175 AWM MEK
Hnahthial District chhungah Covid-19 hri kai enkawl dam mi 3 te chuan nimin khan enkawl an nihna hmun an chhuahsan a, hri kai mi 22 hmuhthar ni thungin tun dinhmunah mi 175 enkawl mek an awm a ni. Nimina Covid-19 hri kai hmuh thar te hi Bazar - 1, Chhipphir - 1, Electric - 6, Peniel - 4, South Vanlaiphai - 1, Thiltlang - 4, Venglai - 2, Model - 1 leh Tuipui - 2 te an ni
HNATHIAL DISTRICT CHHUNGA HMAN TUR INKHUAHKHIRHNA TI CHHUAK
Hnahthial District chhunga mipuite Covid-19 hripui laka an him tlan theihna turin Hnahthial District bawrhsap Pu R.Lalremsanga chuan October 30.10.2021 Zanlai dar 12:00 thleng a hman turin a hnuaia tarlan ang hian inkhuahkhirhna a ti chhuak a, Village Level Task Force leh District Level Enforcement Team te chu khauh taka kengkawh turin beisei an ni. He khuahkhirhna thu chhuak hian Hnahthial District chhung a huam ang.
A. DISTRICT HQRS BIK INKAIHHRUAINA:
Hemi hun chhung hian loh theih loh thilah lo chuan pawn chhuah leh inlenpawh loh tur a ni. Building khata in hrang hrang luahte pawh intlawhpawh loh tur a ni.2. Hemi hun chhunga inkaihhruaia chu a hnuaia tarlan ang hian kalpui tur a ni:
|
Sl. No. |
Activities |
Kalpui dan tur |
|
1 |
Zirna in leh Training Institutes |
1. District Hqrs leh khaw dangah te chuan VLTF leh School Management Committee (SMC) ruahmanna in SOP/CAB tha taka zawm chungin hawn remtih a ni. A bik takin Class X leh XII te ngaih pawimawh tur a ni. 2. Training Institues : A hmuna leng zat chanve (50% seating capacity) luah khatin hawn phal a ni.
|
|
2 |
Inneih inkhawm leh mitthi vuina. |
A hmuna leng zat chanve (50% seating capacity) emaw mi 50 aia tam lo (a tlem zawk zawk).
Ei leh in sem phal a ni lo.
|
|
Sl. No. |
Activities |
Kalpui dan tur |
|
3 |
Sakhaw Biak In leh inkhawm |
a) CAB khauh taka zawm chungin Pathianni/ Sabbath ni chhunah Biak In- a leng zat chanve (50% seating capacity) aia tam lovin Kohhran inkhawm pangngai neih phal a ni a. Zing leh tlai tawngtai inkhawm pawh phal a ni. Inkhawm zawng zawngte list hi register vawn tur a ni.
b) Biakin chhungah zaiho phal anilo.
c) Kohhran Inkhawmpui chhun lamah neih phal a ni. Inkhawm leh khawmpui nei tur te chuan a hnuaia tarlan te hi an zawm ngei tur a ni:-
· Inkhawmpui neihna hmun Biak In - a leng zat chanve (50% seating capacity) emaw mi 200 aia tam lo (a tlem zawk zawk) tel phal a ni. · CAB khauh taka kenkawh leh zawm tur a ni. Kohhran tin ten VLTF te phungbawma sawmin CAB/SOP Implementation Committee an din ang. · Ruai buatsaih phal a nilo.
|
|
4 |
Picnic Spot |
Hawn phal a ni.
CAB uluk taka zawm chungin hawn phal a ni. Amaherawhchu, tum khatah mi 50 aia tam punkhawm phal a ni lo.
|
|
5 |
Sports practice (Indoor and Outdoor) |
Phal a ni.
Indoor- ah mi 20 aia tam lo leh Outdoor- ah mi 50 aia tam lo tum khatah punkhawm phal a ni.
|
|
6 |
Sport inelna, tournament, practice, adt (Indoor and Outdoor) |
Entu awm lovin buatsaih phal a ni.
Event neihna hmun a leng zat chanve (50% capacity) emaw mi 50 aia tam lo (a tlem zawk zawk) tumkhat a punkhawm phal a ni.
|
|
Sl. No. |
Activities |
Kalpui dan tur |
|
7 |
Gym |
Phal a ni.
A hnuaia inkaihhruiana hi khauh takin an zawm tur a ni. a) Gym capacity 50% aia tam tum khatah Workout loh tur a ni. b) Gym kal turte chu COVID- 19 vaccine dose khat tal la tawh an ni tur a ni a, COVID- 19 symptom neite an tel tur a ni lo.
|
|
8 |
Mipui punkhawm- anniversary, birthday adt. |
Phal a ni.
Punkhawmna hmuna leng zat chanve (50% seating capacity) emaw mi 50 aia tam lo (a tlem zawk zawk).
Ruai buatsaih phal a ni lo.
|
|
9 |
A huhvova pawn chhuah ( Lui kal, trekking, Hiking, adventure Sports adt.)
|
CAB uluk taka zawm chungin a huhova mi 20 aia tam lo tan phal a ni. |
|
10 |
Construction works (Sorkar leh mimal hnathawh)
|
CAB uluk taka zawm chungin phal a ni. |
|
11 |
MGNREGA, MPLAD, MLALAD adt.
|
CAB uluk taka zawm chungin phal a ni. |
|
12 |
Price Shop (Ration dawr) te leh FCS& CA Department/ FCI hnuaia godown.
|
Phal a ni.
Fair Price Shop (ration dawr) te chu VLTF- ten ruahmanna an siam angin hawn a ni ang.
|
|
13 |
Bungraw load leh unload hna. |
Dar 6: 00PM – 11:00PM.
Lirthei neitu Transport Company emaw, dawr neitu emaw mimal lirthei neitu in bungraw thiartu (Mutia) hming list leh phone number bakah bungraw thiar ni / zan chu ziakin a vawng tur a ni.
|
|
14 |
Kawng laka lirthei chhia siamtute |
Phal a ni.
Hnathawktute hi a ruaitu (employer) ten ID an siamsak ang.
|
|
15 |
Courier service, e- commerce leh home delivery. State pawn leh State chhunga dawrkai leh sumdawngte bungrua, state chhunga thar / siam chhuah tiamin. |
Phal a ni.
Dawr leh sumdawnnate hi a tam thei ang ber online service leh home delivery kalpui tur a ni.
|
|
Sl. No. |
Activities |
Kalpui dan tur |
|
16 |
i)Quarry, kawng laih, lei dawh etc. ii)Huan, lo, sangha dil, ran vulh adt. iii)Hospital, Nursing home, Clinic, tarmit dawr, laboratory, blood donation leh blood bank. iv)Child and woman helpline service, OST center, OSC, ART centre. v)Anganwadi Centre vi)COVID- 19 vaccination leh immunization programme dangte. vii)Animal disease control programme, veterinary hospital, dispensary, clinic, hatchery, feed mill/ Ran chaw zawrna leh slaughter house. viii)Bank, ATM, Post Office and Postal Services. ix)Petrol/ Diesel filling station. X) Dawr bungrua leh zawrh thil dahkhawmna / godown. xi)Bawnghnute sem leh lakkhawm, chanchinbu sem. xii)Print & Electronic media telecommunication, internet service, roadcasting leh cable service. xiii)Sanitation & Solid waste management (hmunphiat leh bawlhhlawh paihte huamin). xiv)PWD, P&E leh PHE hnuaia operation & maintenance hna leh mimal tuichawi te. xv)Ina thil siam (home based industry) xvi)Damdawi dawr xvii) Zing/ Tlai walking leh cycling exercise
|
Phal a ni. |
|
17 |
Hawkers stall |
Nitin hawn phal a ni.
Zing 5:00 leh tlai dar 5:00 inkarah hawn theih a ni ang.
|
|
18 |
Tourist Lodge/ Hotel/ Homestay
|
Hawn phal a ni. |
|
19 |
Sokar Office
|
A pangngaia kal tur a ni.
|
|
20 |
Restaurants / Tea Stall |
Hawn phal a ni.
A hmuna leng zat chanve (50% seating capacity) chin phal a ni.
Thingpui leh tui inna no atan disposable cup hman ni se. |
|
21 |
Private owned Company/ Office Consultancy Services etc.
|
A pangngaia kal tur a ni. |
|
Sl. No. |
Activities |
Kalpui dan tur |
|
22 |
Eichawp Dawr (Essential Commodities), Sa leh Thlai zawrhna |
Nitin hawn phal a ni.
Zing 5:00 atanga tlai dar 5:00 thleng hawn theih a ni ang.
|
|
23 |
Bazar leh dawr hawn dan |
Nitin hawn phal a ni.
Zing 5:00 atanga tlai dar 5:00 thleng hawn theih a ni ang. VLTF tin ten an bial chhung dawr ten SOP/ CAB an zawm that theih nan an monitor theuh tur a ni.
|
|
24 |
Lirthei tlan dan
|
Taxi leh Autorickshaw te service phal a ni.
Zing 5:00 leh tlai dar 5:00 inkarah town area - ah chauh an service tur a ni.
Lirthei khalhtu ten Mask, Sanitizer leh Register an inchhawp reng tur a ni a. An passenger te hming, contact No. leh address hi register – ah an ziak zel tur a ni.
|
|
25 |
Zan curfew chungchang |
Zan 8:00 PM – 4:00 AM inkar chhungin pawn chhuah khap tlat a ni.
|
A chunga activity tarlanah te khian Covid Appropriate Behaviour (CAB) uluk taka zawm tur a ni a. Dawr, Sumdawnna hmun, Commercial Vehicle, adt – a thawk te hi a theih chin chinah Covid-19 Vaccine dose khat tal la tawh an ni tur a ni.
B. DISTRICT HQRS PAWN A HMAN TUR INKHUAHKHIRHNA TE:
1. Vaccination:
Mipui vantlang kan lo him zawk nan Covid-19 Vaccine la la lo zawng zawngte chu Sawrkarin a thlawna vaccine lakna a ruattah te a hma thei ang bera vaccine la tura ngen leh beisei an ni.
2. Zin veivah chungchang:
a) Tul bikah chuan zin veivah phal ani. Zin veivah na hian mimal lirthei leh passenger phur lirthei (Commercial Passenger Vehicle) te hman phal a ni.
b) Lirtheiahte hian registration a seating capacity tarlan bak chuan phal a nilo. Lirthei khalhtute leh an phurh ten mask/hmai tuamna an vuah vek tur a ni. Passenger te hman tur hand Sanitizer an pai reng tur a ni.
3. Veng/Khaw Bil Inkhuahkhirhna:
a) Veng/khaw bil bik tana inkhuahkhirhna khauh zawk neih tul tihna a awm chuan, a chhan leh vang chiang taka ziakin VLTF ten Deputy Commissioner, Hnahthial hnenah rawtna an siam thei ang.
b) VLTF ten anmahni thuin veng/khaw bil inkhuahkhirhna hranpa curfew/ lockdown/Containment Area/ Restricted Area an puang tur a ni lo.
c) Kawngpuiin a paltlang khua/veng ten an khaw/veng kaltlanga khaw/veng danga kal tur zin veivak te leh an lirthei an dang tur a nilo.
4. Bungraw Chawkluh Chungchang:
a) State pawn/ District dang atangin bungrua lakluh phal a ni. Dawr neitu leh Motor Registration No., Driver leh Handyman Contact no. te uluk takin an chhinchhiah tur a ni. Bungraw phur motorah hian midang (passenger) an chuang tur a nilo.
b) State pawn atanga bungraw lak luh phurtu (driver leh handyman) te chu backload lak tur zawngin Mizoram hmun dangah an kal kual tur a ni lo.
c) Public Distribution System (PDS) hnuaia ration dawr/ retailer a pek chhuah tur buhfai, chini leh khawnvartui phur motor te chu FCS&CA Department in Delivery Order/ Despatch Challan a pek chhuah, la nung mek an ken chuan phalna hranpa ngailoin bungrua an thiar thei ang.
d) A chunga tarlan driver leh handyman te hian kawng laka harsatna an tawh thulah State Control Room (Toll free 1070, landline 0389-2342520, mobile 7628072785 leh watsapp 9366331931) leh Covid-19 (Medical) helpline number (Toll free 102, landline 0389-2323336, 0389-2322336 leh 0389-2318336)-ah telephone in an harsatna te an thlen thei ang.
HREMNA DAN :
He thupek zawm lo chu Disaster Management Act, 2005, Section 51 atanga 60, the Mizoram (Containment and Prevention of the spread of Covid-19) Act, 2020 hnuaia Section 5 leh IPC Section 188 hmangin hrem theih an ni.
Comments
Post a Comment