HNAHTHIAL-AH 'NO TOLERANCE WEEK' HMAN A NI DAWN

Hnahthial District huamchhung ah Covid-19 hri leng mekin ziaawm lam a lo pan theih nan District Level Committee on Covid-19 thurel angin vawiin (28.10.2021) zing dar 6:00 atanga karleh Ningani (4.11.2021) tlai dar 6:00 thlengin Hnahthial khawpui chhungah No Tolerance Week hman a nih dawn thu nimin khan Hnahthial District bawrhsap Pu R.Lalremsanga chuan thupek chhuahin No Tolerance Week chhung hian duty tur Flying Squad pawh din niin Covid-19 laka mipuite himna tura inkaihhruaina siam (SoP) leh Covid-19 Appropriate Behaviour (CAB) zawm lo te chungah dan angin hremna an lekkawh thin dawn a ni.

Flying Squad-te duty dan tur pawh hetiang hian ruahman a ni :- 

HNAHTHIAL DISTRICT-AH COVID-19 HRI KAI MI 174 AWM MEK

Hnahthial District chhunga Covid-19 hri kai enkawl lai mi 33 te chuan nimin (27.10.2021) khan dam takin enkawl an nihna hmun an chhuah san a, hri kai hmuh thar 20 awm thungin chungte chu :- Electric - 5, Venglai - 2, Thiltlang - 1, South Vanlaiphai - 2, Chhipphir - 9 leh Lungtian (Lawngtlai Dist) - 1. Heti hian tun dinhmunah Hnahthial District-a Covid-19 hri kai enkawl hi mi 174 an awm mek a ni.

HNAHTHIAL-AH LOAN LEH INSURANCE SCHEME CHI HRANG HRANG INZIRTIRNA HUN HMAN A NI

Lead Bank Office Lunglei bultumin nimin khan Bazar Branch YMA Hnahthial-ah loan leh insurance scheme chi hrang hrang inhrilhfiahna hun (Credit Outreach Campaign) neih a ni

He hun hi Pi Lalremsangi, Chief Manager, Lead Bank Lunglei chuan kaihruaiin Insurance scheme chi hrang hrang bakah Loan scheme - AIF leh AHF chungchang a sawifiah a, Loan scheme chi hrang hrang zingah  PMEGP chungchang chu Pu Lallianhluna Branch Manager, MCAB Hnahthial Branch-in an sawifiah bawk. Pu Denis Lalsiamtluanga, Manager, MRB chuan PMSVANidhi leh PMMY chungchang  zirtirtirin Pu Michael Zothanpuia, Manager, SBI Hnahthial chuan SUI, ECLGS chungchang a zirtir bawk a ni. 

HNAHTHIAL DISTRICT-AH MYANMAR RALTLAN 2335 AWM MEK

Myanmar buaina avangin Hnahthial District chhungah raltlan an pung zel a, nimin (27.10.2021) khan Cherhlun-ah mi 3 an luh belh a, tun dinhmunah Hnahthial District chhunga Myanmar raltlan awm hi mi 2335 niin heng zingah hian chhungkua 412 an awm a ni. Khaw hrang hrang hranga tun dinhmuna awm zat chu hetiang hi a ni

Sl. No	KHUA	RALTLAN ZAT	RALTLAN CHHUNGKAW ZAT
1	Thingsai	900	127
2	Cherhlun	183	43
3	Bualpui H	151	33
4	Ngharchhip	162	34
5	New Ngharchhip	454	88
6	Tarpho	102	23
7	South Chawngtui	25	5
8	Khawhri	68	9
9	Tuipui D	35	3
10	Hnahthial N-I	73	14
11	Hnahthial N-II	33	5
12	Hnahthial S-I	49	6
13	Hnahthial S-II	19	6
14	Hnahthial S-III	49	11
15	South Vanalaiphai	8	1
16	Aithur	13	3
17	Leite	11	1
TOTAL		2,335	412