GOVT COLLEGE HNAHTHIAL LEH GOVT HIGH SCHOOL HNAHTHIAL TAN COMPUTER LEH PRINTER PE
Mizoram sorkar hnuaia Information & Communication Technology Department chuan nimin (22.10.2021) khan Govt Hnahthial College hnenah Computer set 10 leh Multifunction Printer an pek bakah Govt Hnahthial High School tan Computer set 7 leh Multifunction Printer an pe bawk a, I&CT Secretary Pu Lalramsanga Sailo, IRS chuan hemi puala inkhawmtawi neih hi a hmanpui a ni.
Hemi puala inkhawm tawi hi Govt Hnahthial College Auditorium-ah neih niin Principal Pu K.Lalsangluaia'n a kaihruai a, I&CT Deptt in an College tana an thil tih chu lawmawm a tih thu leh tangkai takin hman a nih tur thu a sawi a ni
He huna Khuallian Pu Lalramsanga Sailo, IRS chuan I&CT Department chuan project hrang hrang NEC atang leh hmun dang atangin an kalpui thin thu sawiin Mizo Thalai ten Computer an hman thiam theih nan ICT Department chuan theihtawpin hma an lak thin thu leh “IT Education for Schools" atangin kum 2014 khan Computer set 100 an sem tawh tih a sawi a, 2020 - 2021 chhungin School 150 ah Computer 7 theuh an sem tawh tih sawi bawkin ICT Deptt hmalakna hrang hrang a sawi a ni
He hunah hian National Cyber Security Awareness Month denchhenin ICT Department chuan cyber security awareness programme an hmang nghal bawk a ni.
HNAHTHIAL DISTRICT CHHUNGA KHUA LEH KOHHRAN TE ZAWM TUR INKAIHHRUAINA TI CHHUAK
District Level Task Force on Covid-19 Hnahthial-in a rel angin Hnahthial District bawrhsap Pu R.Lalremsanga chuan nimin (22.10.2021) khan Hnahthial District huamchhunga khaw tinin an zawm tur inkaihhruaina hetiang hian a ti chhuak :-
1) Veng/khaw bil bik tana inkhuahkhirhna khauh zawk neih tul tihna a awm chuan a chhan leh avang chiang taka ziakin VLTF ten Deputy Commissioner Hnahthial hnenah rawtna an siam thei ang.
2) Hmun dang atanga Hnahthial District a lo lutte emaw District chhung khaw dang atanga lo haw te hnenah Covid-19 Negative Certificate lo dil/phut phal a ni lo a. Mahni inrinhlelhna nei an awm chuan Medical Department-ah hriattir tur a ni.
3) VLTF ten anmahni thuin veng/khaw bil inkhuahkhirhna hranpa Curfew/Lockdown/Containment Area/ Restricted Area an puang tur a ni lo.
4) Kawngpuin a paltlang khua/veng ten an khaw/veng kaltlanga khaw/veng danga kal tur zin veivak te leh an lirthei an dang tur a ni lo
Hnahthial District huamchhunga Kohhran hrang hrangte zawm tur pawh hetiang hian a chhuah nghal bawk :-
1. CAB khauh taka zawm chungin Pathianni/ Sabbath ni chhunah Biak In a leng zat chanve (50% seating capacity) aia tam lovin Kohhran inkhawm pangngai neih phal a ni a. Zing leh tlai tawngtai inkhawm pawh phal a ni. Inkhawm zawng zawngte list hi register vawn tur a ni.
2. Biakin chhungah zaiho phal a ni lo
3. Kohhran Inkhawmpui chhun lamah neih phal a ni. Inkhawm leh khawmpui nei tur te chuan a hnuaia tarlan te hi an zawm ngei tur a ni :-
• Inkhawmpui neihna hmun Biak In- a leng zat chanve (50% seating capacity) emaw mi 200 aia tam lo (a tlem zawk zawk) tel phal a ni.
• CAB khauh taka kenkawh leh zawm tur a ni. Kohhran tin ten VLTF te phungbawma sawmin CAB/SOP Implementation Committee an din ang.
• Ruai buatsaih phal a ni lo.
Comments
Post a Comment