HNAHTHIAL-A BOARD EXAM HMACHHAWN TUR ZIRNA IN THNEKHAT TEN CLASS AN KAL TAN
Hnahthial District bawrhsap Pu R.Lalremsanga hova DLTF member-te, Incident Commander, Nodal Officer te leh VLTF Chairman te thutkhawm Ni 18.10.2021 (Thawhtanni) a neihin Hnahthial District chhunga Board Exam tur te tan zirna In hawn an phalsak angin vawiin (20.10.2021) atang khan Hnahthial khawpui chhunga Class X leh Class XII zirna In thenkhat hawn tan a ni.
Zirna In hawn phalsak te hi Covid Appropriate Behavior (CAB) tha tak a zawm chung kalpui tura tih niin Class X zirlai 70 enkawl mek Govt High School Hnahthial chuan vawiin atang hian dan pangngaiin class hi an kalpui a ni
Moriah Public School pawhin CAB zawm chungin Class X leh XII hi vawiin atang vekin an kalpui a, Class X-ah hian zirlai 19 an nei a, Class XII-ah zirlai 24 an nei mek bawk a ni.
Govt Higher Secondary School pawhin Class XII (Arts) tan Class an kalpui tan a, zirlai 103 an awm a ni. Science leh Commerce zirlaite chu District level meeting hmasain class kal alo phal sak tawh angin kalpui chhoh mek a ni bawk a, Class XII Science bikah hian zirlai 12 awmin Commerce bikah 5 an awm mek bawk a ni.
Hnahthial-a Kohhran School awmchhun St.Stephen's School chuan Class X zirlai 7 nei mekin Online Class an neih thin bakah chawlhkar khatah ni 3, ni khatah Subject 2 angin Class IX leh X an kalpui thin a ni.
Hun engemawchen Covid Care Centre atana hman Govt Southern High School chu Class tan turin an inbuatsaih mek a, Class X zirlai hi 45 nei mekin karleh Thawhtanni atangin kal tan an tum a ni
FD Higher Secondary School pawh Zirtitute ah Quarantine an la awm avangin Class an la tan thei lova, thla thar (November) tir atangin kalpui tan tumin Class XII zirlai hi 23 an nei mek a ni.
👍👍👍
ReplyDelete