Posts

Showing posts from July, 2023

DC kalchhuak tur thlah

Image
  YMA Sub-Hqrs Hnahthial hruaitute chuan vawiin khan Hnahthial District bawrhsap kalchhuak tur Pu R.Lalremsanga chu a chenna bungalow-ah hmuin Hnahthial District a enkawl chhunga YMA te nen thawhhona tha tak a kalpui leh District tih hmasawnna kawnga a hmalakna hrang hrang chu lawmawm an tih thu hrilhin a kal zelna turah duhsakna an hlan a, ngaihhruina thuziak an pe bawk a  ni

Hnahthial NGOCC thukhawm

Image
  Tunhnaia din thar, NGO Coordination Committee Hnahthial hruaitute chu nimin khan an Chairman leh YMA Sub-Hqrs President ni bawk Pu B.Lalhmingliana kaihhruaiin YMA Sub-Hqrs Office Hnahthial-ah an thukhawm a, Executive Committee member tur mi 10 ruat tharin hun remchang hmasa ah hmalak dan tur ngaihtuahin thutkhawm ni se an ti   Meeting chuan Manipur buaina avanga Zo hnahthtlak te tawrhna nasa tak thlavang hauhna kawngzawh tunhnaia neih chu thlir kirin hmanrua leh thil tul hrang hrang hman hawh tirtute chungah leh kawngzawha thawk chhuak zawng zawngte chung lawmthu an sawi a ni. NGO Coordination Committee Hnahthial chu ding thar a nih avangin Executive Committee member turte pawh ngaihtuah nghalin YMA, MHIP, MUP, MZP leh MSU atangin mi 2 theuh an ruat thar a ni  

District bawrhsap charge inhlan

Image
Hnahthial District bawrhsap kal chhuak tur Pu R.Lalremsanga chuan nimin khan District Bawrhsap thar tur Pu Chuauhnuna hnenah charge a hlan a, Pu R.Lalremsanga hi IG Prisons in a awm dawn a ni. Hnahthial District bawrhsap 4-na tur Pu Chuauhnuna hi Dy.Secretary, UD&PA/Home atanga lokal niin Aizawl Venglai a khawsa a ni a, a nupui Pi Linda Vanlalduhawmi nen Fapa 1 leh Fanu 2 an nei a, Zirna lamah MA (Eco) niin kum 2004 khan MCS-ah a lut a ni

PHED Hnahthial-in Tuichang an pump-na Current line chhia hmuhchhuah a ni ta

Image
 Hnahthial mipuite chawm nana PHED in Tuichang tui an pump-na Current line chhia chu thla chanve (Ni 15) a nihna nimin khan hmuchhuah niin siamthat nghal a ni a, nizan khan Tui pawh pump in vawiin hian dan pangngai angin semchhuah tan leh a ni ang. PHED Hnahthial-in Tuichang an pump na Current line hi Ni 13. 7.2023 zan khan chiangkuang lo thutin Tui hi an pump thei lo nghal a ni. Thawktu ten a chhiatna lai hi theihtawp chhuaha an zawng chungin an hmu thei lova, P&ED Hnahthial-a thawktute leh Lunglei a PHED a thawktute pawhin an pui hial a ni. Ram hnuaia Electric hrui kalna pawh vawi 5 vel zet zawh chhuakin Current an lak luhna ban zawng awnga Disc pawh an thlak vek hman a ni. Hetih lai hian Pump House-ah hian Current hi lut tho in Fridge leh thil dangah pawh an hmang thei a, Tui pump nana khawl an ON chiahin a trip zel thung a, Generator hmangin Tui hi an pump thei tho si a ni. He harsatna sutkian pui tur hian nimin khan Pu Jonathan Pulamte Electrician PHED, Siatual Sub-Divisio...
Image
THUKHAWM DAWN  Mizoram a pawl pawimawh leh lian tak tak C.YMA, MUP, MHIP, MZP leh MSU te thawhhona NGO Co-Ordination Committee in Manipur a Zohnahthlakte chunga tawrhna thleng mek hriatpuina leh tawrhpui nan July 25, 2023 (Thawhlehni) ah Manipur a "Zo hnahthlak unaute thlavang hauhna” Mizoram pumah kawngzawh huaihawt nise an tih angin Hnahthial khawpuiah kalpui dan tur chungchang ngaihtuahin naktuk (22.07.2023) chawhnu dar 2:00 hian YMA Sub-Hqrs Hnahthial Office-ah YMA Sub-Hqrs., MHIP Sub-Hqrs, MUP Sub-Hqrs, MZP leh MSU District Hqrs hruaitute chu an thukhawm dawn niin thu dawn a ni  
Image
GOVT HNAHTHIAL COLLEGE ZIRLAI HRUAITU TUR THLANG       Govt Hnahthial College a zirlaite chuan vawiin khan an College-ah kum 2023 - 2024 chhunga an hruaitu tur (Students' Union Leader) thlanna an nei a, hengte hi thlan tlin an ni :-  Vice President  : Lalthlamuanpuia  - V Sem General Secretary : Lalmalsawmdawngkimi Fanai - V Sem Asst. General Secretary : Daniel K Lalrinfela - I Sem Games & Sports Secretary : Vanlalpekhlua - III Sem Asst. Games & Sports Secretary : Micky Zothanpuia - III Sem Common Room Secretary : Lalhmuzuala - V Sem  Asst. Common Room Secretary : Lalchamliana - III Sem Social & Cultural Secretary : Esther Lalramdini - V Sem Asst. Social & Cultural Secretary : Lalhruaizeli - V Sem Magazine Editor : C Rodingliana - III Sem Asst. Magazine Editor : Lalremsangpuia - I Sem Govt Hnahthial College-ah hian tun dinhmunah Zirlai 150 vel awm mekin SU Leader thlanna hi Dr.Samuel Vanlalruata, Asst. Prof. kaihhruaina hnuiah a thawhpu...
Image
HNAHTHIAL-AH THINGPUI INCHAWLH HMANG Mizoram Chhim lam tlawha zin hwng lam Home Minister Pu Lalchamliana leh amah tawiawmtu Pu Vanlalchhuanga, Principal Secretary Taxation Deptt. Pu John Neihlaia IPS, IGP (Hqrs), leh sorkar mi pawimawh dangte chu vawiin chawhnu khan Sangau atangin Hnahthial an rawn thleng a, Horeb Lodge, Electric Veng Hnahthial ah Thingpui in chawlhna hun hmangin chawhnu dar 2:30 vel khan Hnahthial chhuahsan in Aizawl an pan leh nghal a ni. Home Minsiter Pu Lalchamliana hi Hnahthial S.P Pu Vineet Kumar IPS, Addl S.P Pu Albert Lalnunpuia, SDO (Sadar) Pu Lalremruata Sailo leh SP Staff Hnahthial ten an lo dawngsawng a ni